بەختیار زێوەر
ناوی (فایەق كوڕی عەبدوڵڵا كوڕی محەمەد مەلا ڕەسوڵ)ـه. هه‌روه‌كو باوكی (زێوەر) بووه به پاشناوی و له هۆنراوه‌نووسیندا به (به‌ختیار زێوه‌ر) ناسراوه.
ساڵی ١٩٠٨ له شاری سلێمانی لەدایک بووە.
لە حوجرە و لای باوكی خوێندویه‌تی. دواتریش تا پۆلی شەشەمی سەرەتایی خوێندووه و ماوه‌یه‌ك دابڕاوه و دواترتا پۆلی سێی ناوه‌ندی خوێندووه.
ئه‌و ماوه‌یه‌ی دابڕاوه، کاری برینپێچی به‌یته‌ری كردووه و به‌هۆیه‌وه زۆر ناوچەی كوردستان ڕۆیشتووه.
ژیانی هاوسه‌رگیری پێكهێناوه، به‌ڵام منداڵیان نه‌بووه.
له تەمەنی حەڤده ساڵییەوه ده‌ستی به نووسینی هۆنراوە كردووه و به‌رده‌وام بووه. هۆنراوه‌كانی له كتێبێكدا دیوانی بەختیار زێوەر چاپ كراوه.
بەختیار زێوەر جگه له نووسینی هۆنراوه، بایەخی بە نووسینی چیرۆكیش داوە و ساڵی ١٩٤٥ چیرۆكی شەوێك لەسەر لوتكەی ئەڤەرەستی نووسیوە. هەروەها بایەخیشی بەوەرگێڕان داوە‌و لەگەڵ بێكەسی شاعیردا پێكەوە وتارێكی جەمالەدینی ئەفغانییان كردووه به زمانی کوردی و لە گۆڤاری گەلاوێژدا بڵاو كردووه‌تەوە.
له تەمەنی منداڵییەوه توشی نەخۆشی بووه و هه‌ر به‌و هۆیه‌وه نه‌شته‌رگه‌ری مێشكی بۆ كراوه و دواجار له ٣١ی ١٢ی ١٩٥٢ كۆچی دوایی كردووه و لە گۆڕستانی گردی جۆگەی سلێمانی بەتەنیشت گۆڕی باوكییەوە به‌خاك سپێرراوه.
%DB%86)%DA%A9%D9%BE%DB%86%DA%98%D8%B9%DA%AF%D8%A6%DB%8C%D9%81%DB%8C%D9%81.jpg){kind=link}